لاتوجد دولة في العالم. لايوجد بها جالية مصرية. قد تكون جالية أعدادها صغيرة في بعض الدول. وكبيرة في أخرى ولكنهم متواجدين. يؤثرون ويتأثرون. لهم اخفاقتهم ونجاحتهم. ولهم حكاياتهم ونوادرهم . وهنا نرصد بعضهم نتعرف على نوادرهم. وعن بعض معالم الدولة التي يعيشون فيها.
المانيا – مدينة (بارلين)
بارلين وفهلوة المصريين. اعتقد دة العنوان المناسب للحكاية التى حدثنا بها الدكتورة (نبيلة على الدمرداش). المقيمة في بارين – المانيا عن اطرف المواقف التي صادفتها ولن تنساها ..
قالت .. منذ ايام … تم افتتاح معرض “فروت لوجيستيكا” فى (المانيا / برلين) .. ودة معرض للفواكة … شاركت فية (2800) شركة من (84) دولة. منهم مصر ودول آخرى عربية … واللى حصل والله هقولة بمنتهى الحيادية .. وهسيب الحكم لكم !!!!!
صديق مصرى .. (دكتور وباحث فى علوم الاغذية).. مقيم فى بارلين / المانيا. وكان برفقة ثلاثة من رجال الاعمال الالمان بيترجم لهم (عربى / المانى). ولما زاروا الجناح المصرى بيقولى لاحظ نظرات استغراب لدى رجال الاعمال. ولما سألهم قالوا (ازاى فية عنب فى الجناح المصرى). ضحك وقالهم .. مصر بتزرع عنب فـ عادى انة يكون معروض بجناحها !!. قالوا لة .. فعلا مصر بتزرع عنب وبتصدرة كمان .. لكن دة مش موسمة ؟؟
برلين .. وفهلوة المصريين
وبسؤال الاخ المصرى اللى واقف بالجناح المصرى .. والالحاح أعترف .. انهم أشتروا خمسة كيلو عنب من الماركت علشان يكملوا بية شكل المعروضات ويبقى فيها تنوع وشكل حلو .. وقالة .. يا استاذ احنا بنزرع احسن عنب فى مصر
يعنى لو فية طلبيات توريد ممكن نتعاقد ونصدر لهم من مصر .. عااادى.
الدكتور كان زعلان وشايف ان دة تضليل وخداع .. حاولت اقولة انهم بيحاولوا يظهروا الجناح بشكل كامل. لكن …بينى وبين نفسى شايف انها (فهلولة) ملهاش لازمة خصوصاً مع الاجانب … لانهم بيفهموا الامور دة غلط ..
وبالنسبة للسياحة في بارلين.. الحقيقة ان بارلين فيها اماكن كثيرة تستحق الزيارة ومنها قصر شارلوتنبورغ بتاريخة اللى يرجع للقرن السابع عشر وبحدائقة المميزة
وبوابة براندنبورغ من اشهر الاماكن فى برلين رمز من رموز المانيا وصورتها على بعض عملات المانيا
ومتحف بيرغامون من اشهر واهم متاحف المانيا وانشئ عام ١٨٩٩ ويضم مقتنيات لحضارات مختلفة. اشورية والبابلية والسورية
اما بقى متحف بارلين الجديد. بيعرض الحضارات الانسانية القديمة التى سكنت الارض وبالطبع بيضم مقتنايات للحضارة المصرية الفرعونية
