1- الباذنجان المخلل ضيفي بقدونس مفروم مع التوم بيدى طعم نصائح مطبخية للمرأة الذكية
2- ملعقة سكر صغيره في صلصة المكرونة عشان متعملش حموضة
3- البطاطس قبل ماتحمريها اسلقيها خمس دقائق في ميه وملح بتقرمش ومش بتشرب زيت
4- محشي الكرنب سخني حته زبدة وحطيه عليه قبل ما يتشرب بشوية عشان يبقى بيلمع وطعمة جميل
5- عسل في تتبيلة الفراخ المشوية بتدى طعم حلو
6- زبادي في تتبيلة البانيه بيخلية طرى ومستوى كويس
7- البتنجان المحمر خلليه وهو سخن واقفلي عليه العلبه عشان يطلع طرى مش ناشف
8- ادعكي الفراخ ببصلة وملح وفلفل وقليل من بهارات الفراخ قبل السلق عشان يبقى ليها طعم وريحة ومتبقاش زفرة
9- اكياس الشاي مترميهاش سقعيها وحطيها علي عينك للاجهاد والهالات السودا
10- الرز باللبن ضيفي كيس كريم شانتيه هيخلى الطعم جامد وزى بتاع برة بالظبط
11- رشي دقيق وملح علي بصل الكشري قبل التحميرعشان يكون مقرمش
12- رشة زعتر علي صلصة المكرونة بتدى ريحة حلو وطعم مميز
13- بيكنج بودر علي عجينة الكفته المشوية ميخلهاش تكش وتكون منفوشة زى ما هى
14- تشوح اللحم في الزبد وحبهان وورق لورا قبل السلق نديها صدمة عشان يبقى لونة بنى وجميل مش بيضة
15- الرز الابيض شوحي مستكة وحبهان في السمن قبل الرزهيدى ريحة حلوة لرز
16- لاحلي صلصة مكرونة اضربي مع الطماطم توم وفلفل رومي وفلفل حامي
17- إدهني الفراخ والبط بكاتشب وملح وفلفل وقرفة قبل ما تحطيها فى الفرن هيخليها لونها حلو
18- احشى الجلاش موتزريلا مع العصاج
19- الرز البسمتي اكشفي الغطا بعد ما يستوي عشان يبقى مفلفل
20- وانتي بتقلي البانيه حطي ملعقة زبدة مع الزيت هيبقي زي المطاعم
21- قشر الليمون مش ترميه خليه عالحوض بعد ماتغسلي المواعين ادعكي بيه ايديك بيشيل السمار من صابون المواعين وبينعم الايد
