لاتوجد دولة في العالم. لايوجد بها جالية مصرية. قد تكون جالية أعدادها صغيرة في بعض الدول. وكبيرة في أخرى ولكنهم متواجدين. يؤثرون ويتأثرون. لهم اخفاقتهم ونجاحتهم. ولهم حكاياتهم ونوادرهم . وهنا نرصد بعضهم نتعرف على نوادرهم. وعن بعض معالم الدولة التي يعيشون فيها.
الدنمارك – مدينة (كوبنهاغن)
حكايات مارك فى الدنمارك هو العنوان الذى اطلقناة على الطرفة التالية والتى يرويها المهندس مارك خليل دوس. مصري مغترب في الدينمارك. يقول ” كنت خارج المنزل .. وشعرت بالجوع فقررت تناول (Snack) وجبة خفيفة ..وقصدت مطعم شهير. وطلبت سندوتش كفتة دجاج بالمايونيز .. وبطاطس بالكاتشب ..
المحل كان مزدحم .. عاملة التجهيز نادت عليا باسمى وبالطلب اللى طلبتة قائلة … السيد مارك (بطاطس بالكاتشب ودجاج بالمايونيز)
رديت علية بصوت عالى وبتلقائية …. علشان اعرفها انى صاحب الاوردر. طبعاً المفروض أقول (ايوة .. انا مارك . اللى طالب بطاطس بالكاتشب والمايونيز) – او اكتفى بقول (انا مارك). لكن بدون قصدت قلت (أنا مارك بالكاتشب والمايونيز). ونسيت كلمة بطاطس.
أفاجأ ببنوتة زى العسل بتقولى بصوت عالى (وانا رابيكا بالهوت صوص). وفجأة لقيت الصالة كلها بتضحك واللى يقول .. وانا فلان بالوايت صوص. واللى قول .. وانا فلان بصوص الرانش.
واكمل حديثة قائلاً … كتير من الشعب المصرى والشعوب العربية. بيكرهوا الدنمارك. علشان موضوع الاسائة للنبى محمد. لكن عايز أقول ان دة خطأ فرد. رسام غبى كل همة عمل تسويق للمجلة اللى بيشتغل فيها. وانا مسيحى لكن زعلت من تصرف هذا الشخص. لأننا نحترم المسلمين ونحترم دينهم ونبيهم. وهم ايضاً يحترمونا ويحترمون ديننا وقدساتنا وهذا ما تربينا علية.
لكن الحقيقة ان الشعب الدينماركى شعب طيب. ويحب المرح. ولا يستهزاء باى ديانة.
واهم المدن السياحية بالدينمارك. اولاً كوبنهاجن وهى طبعاً العاصمة وبها العديد من المزارات السياحية التاريخية والمبانى الاثرية. وتليها مدينة ريببى وايضاً بها مبانى تاريخية واثرية أهمها كتدرائية رايب. وتتميز بطراز مبانيها. وبمنائها الشهير (ميناء جوتلاند وبمدينة ريبى تقام العديد من المهرجانات.
اما مدينة دراجوا. فهى من اقدم مدن الدنمارك. وبها متحف دراجوا. واخيراً مدينة سكاجين وانا اعتبرها من اجمل المدن في الدنمارك لما تتميز بة من طبييعة خلابة وشواطئ ساحرة
